பிரேமலு புகழ் நஸ்லேன் மற்றும் கல்யாணி பிரியதர்ஷன் முன்னணி கதாபாத்திரங்களில் நடித்துள்ள ‘லோகா’ திரைப்படம் திரையரங்குகளில் வெளியாகி ரசிகர்களிடம் பெரும் வரவேற்பைப் பெற்றுள்ளது.
இப்படத்தில் சாண்டி, சந்து சலீம் குமார், அருண் குரியன், சாந்தி பாலசந்திரன் ஆகியோரும் நடித்துள்ளனர். டொமினிக் அருண் இயக்கிய இப்படத்தில் சாண்டியின் வில்லத்தனமான நடிப்பு படத்திற்கு வித்தியாசமான சாயலை வழங்கியுள்ளது.
திரைப்படம் வெளியாகி குறுகிய காலத்திலேயே சமூக வலைதளங்களில் ரசிகர்கள் பெரிதும் பாராட்டி வருகின்றனர். குறிப்பாக, கல்யாணியின் நடிப்பு அனைவராலும் சிறப்பாக வரவேற்கப்படுகிறது. துல்கர் சல்மான் தயாரித்த இந்த படம், வசூலிலும் அதிரடி காட்டி வருகிறது.
வெளிவந்த 18 நாட்களில், ‘லோகா’ படத்தின் வசூல், மோகன்லால் நடித்த ‘துடரும்’ படத்தின் மொத்த வசூலையும் முந்தியுள்ளது. இதன் மூலம், அதிக வசூல் பெற்ற மலையாள படங்களின் பட்டியலில் இரண்டாம் இடத்தைப் பிடித்துள்ளது.
மேலும், புக் மை ஷோ செயலியில் இதுவரை அதிக டிக்கெட் விற்பனையைப் பெற்ற மலையாள திரைப்படம் என்ற பெருமையும் ‘லோகா’வுக்கு கிடைத்துள்ளது. உலகளவில் இப்படம் 250 கோடி ரூபாயை நெருங்கி வருகிறது.