ஹரி ஹர வீரமல்லு திரைப்படத்துக்கு பிறகு, பவன் கல்யாண் நடித்துள்ள அடுத்த படமாக They Call Him OG உருவாகியுள்ளது. இந்த படத்தை சாகோ, ரன் ராஜா ரன் போன்ற படங்களை இயக்கிய சுஜீத் இயக்கியுள்ளார்.
இந்த படத்தில் பவன் கல்யாணுடன், பிரியங்கா மோகன் மற்றும் எம்ரான் ஹாஷ்மி முக்கிய கதாபாத்திரங்களில் நடித்துள்ளனர். திரைப்படம் வரும் செப்டம்பர் 25ஆம் தேதி திரையரங்குகளில் வெளியாக உள்ளது. சமீபத்தில், படக்குழு பிரியங்கா மோகனின் கதாபாத்திர போஸ்டரை வெளியிட்டது. இதில், அவர் “கண்மணி” என்ற பாத்திரத்தில் நடித்துள்ளார்.
இதற்கிடையில், படத்தின் டிரெய்லர் குறித்து புதிய தகவல் வெளியாகியுள்ளது. அதன்படி, டிரெய்லர் வரும் செப்டம்பர் 18ஆம் தேதி வெளியாகும் என எதிர்பார்க்கப்படுகிறது.
OG படம் ஒரு கேங்ஸ்டர் கதைம்சத்தை மையமாகக் கொண்டு உருவாகியுள்ளது. மும்பைக்கு ஒரு முக்கிய மிஷனுக்காக வரும் சக்திவாய்ந்த கேங்ஸ்டரின் வாழ்க்கையை மையமாக வைத்து கதை நகர்கிறது.
படத்தின் இசையை தமன் அமைக்கிறார். ஒளிப்பதிவை ரவி கே. சந்திரன் மற்றும் மனோஜ் பரமஹம்சா இணைந்து மேற்கொண்டுள்ளனர்.