தமிழ் திரையுலகில் தற்போது அதிக வேகத்தில் முன்னேறி வரும் இளம் நடிகர்களில் ஒருவராக கவின் திகழ்கிறார். விஜய் டி.வி-யின் பிரபலமான கனா காணும் காலங்கள் தொடர் மூலம் சிறிய திரையில் தனது பயணத்தை தொடங்கிய அவர், பின்னர் சரவணன் மீனாட்சி தொடரில் “வேட்டையன்” கதாபாத்திரத்தில் நடித்து பெரும் வரவேற்பைப் பெற்றார். இதன் மூலம் கவினுக்கு பெரும் ரசிகர்கள் பட்டாளம் உருவானது.
அதனைத் தொடர்ந்து நட்புனா என்ன தெரியுமா என்ற படத்தின் மூலம் வெள்ளித்திரையில் நாயகனாக அறிமுகமானார். மேலும், பிக்பாஸ் சீசன் 3-இல் பங்கேற்றது கவினின் வாழ்க்கையில் மிகப்பெரிய திருப்பமாக அமைந்தது. பிக்பாஸ் நிகழ்ச்சிக்குப் பிறகு, அவர் நடித்த லிஃப்ட் திரைப்படம் ஓடிடி-யில் மட்டும் வெளியானாலும் ரசிகர்களிடத்தில் நல்ல வரவேற்பைப் பெற்றது.
அதனைத் தொடர்ந்து கவின் ஸ்டார், கிஷ், டாடா, ப்ளடி பக்கர் போன்ற பல திரைப்படங்களில் நடித்துள்ளார். தற்போது அவர் விஷ்ணு எடவன் இயக்கும் புதிய படத்தில் நடித்து வருகிறார். இதில் நயன்தாரா மற்றும் சத்யராஜ் முக்கிய கதாப்பாத்திரங்களில் நடிக்கின்றனர்.
Hi… 🙂 #Nayanthara @VishnuEdavan1 @JenMartinmusic
— Kavin (@Kavin_m_0431) October 8, 2025
♥️ #Hi pic.twitter.com/RuU8JxPGAv
வயதில் இளையவன், தன்னை விட மூத்த வயதுடைய பெண்ணை காதலிப்பது எனும் வித்தியாசமான கதைக்களத்தில் இப்படம் உருவாகி வருகிறது. தற்போது இந்த கவின்–நயன்தாரா இணையும் புதிய படத்துக்கு ‘HI’ என்று பெயரிடப்பட்டுள்ளதாக தகவல் வெளியாகியுள்ளது.