கமலுடன் இணைந்து நடிப்பதற்கு முன்பு வேறு ஒரு படத்தில் நடிக்கும் ரஜினி – இயக்குநர் இவரா?

இயக்குநர் லோகேஷ் கனகராஜ் இயக்கத்தில் ரஜினிகாந்த் நடித்த ‘கூலி’ படம் கலவையான விமர்சனங்களைப் பெற்றிருந்தாலும், வசூலில் சிறப்பாக ஓடியது.

இதற்கிடையில், ரஜினிகாந்த் மற்றும் கமல்ஹாசன் இணைந்து ஒரு படத்தில் நடிக்கவிருக்கிறார்கள் என்ற செய்தி வெளியாகி ரசிகர்களை உற்சாகப்படுத்தியது. கமல்ஹாசனும் ஒரு நிகழ்ச்சியில் இதை நேரடியாக உறுதிப்படுத்தியிருந்தார்.

முதலில், அந்த இணைப்பு படத்தை லோகேஷ் கனகராஜ் இயக்குவார் என்ற வதந்தி பரவியது. ஆனால் சமீபத்தில் ரஜினிகாந்த் கூறியதன்படி — “கமலுடன் சேர்ந்து நடிக்க ஆசை இருக்கிறது, திட்டமும் உள்ளது. ஆனால் இயக்குநர், கதை, கதாபாத்திரம் இன்னும் தயார் ஆகவில்லை. அனைத்தும் முடிந்ததும் நிச்சயமாக நடிப்பேன்” என்று தெரிவித்துள்ளார்.

இதனால் அந்த இணைப்பு படத்தை லோகேஷ் கனகராஜ் இயக்கவில்லை என்பது உறுதி செய்யப்பட்டுள்ளது. தற்போது, ரஜினி–கமல் இணைந்து நடிக்கும் படத்தின் கதை மற்றும் இயக்குநர் குறித்து எந்த அதிகாரப்பூர்வ தகவலும் வெளியாகவில்லை.

இந்நிலையில், ஜெயிலர் 2 படத்துக்குப் பிறகு மற்றொரு புதிய படத்தில் நடிக்க ரஜினிகாந்த் முடிவு செய்துள்ளதாக செய்திகள் தெரிவிக்கின்றன. அந்தப் படத்தை இயக்க சுந்தர் சி உடன் பேச்சுவார்த்தைகள் நடைபெற்று வருவதாகவும் தகவல்கள் வெளியாகியுள்ளன.