நடப்பு நிதியாண்டில் அதிக வருமான வரி செலுத்திய திரை பிரபலங்களின் பட்டியல் வெளியாகியுள்ளது.
ஒவ்வொரு குடிமகனும் தங்களது ஆண்டு வருமானத்திற்கேற்ப வரி செலுத்துவது கடமை. குறிப்பாக திரையுலகில் முன்னணி நடிகர்கள், நடிகைகள் ஆண்டுதோறும் கோடிக்கணக்கில் வரி செலுத்தி வருகின்றனர்.
அந்த வகையில், 2024–25 நிதியாண்டுக்கான பட்டியல் வெளியானது. அதன்படி, பாலிவுட் நடிகர் ஷாருக்கான் முதலிடம் பிடித்துள்ளார். அவர் மட்டும் ரூ.92 கோடி வருமான வரி செலுத்தியுள்ளார்.
தமிழ் சினிமாவின் முன்னணி நடிகர் விஜய் இரண்டாவது இடத்தில் உள்ளார். இவர் ரூ.80 கோடி வருமான வரி செலுத்தியுள்ளார்.
3 முதல் 10-வது இடம் வரை இடம்பெற்றுள்ளவர்கள்:
சல்மான் கான் – ரூ.75 கோடி, அமிதாப் பச்சன் – ரூ.71 கோடி, அஜய் தேவ்கன் – ரூ.42 கோடி, ஹிருத்திக் ரோஷன் – ரூ.42 கோடி, ரன்பீர் கபூர் – ரூ.36 கோடி, கபில் ஷர்மா – ரூ.26 கோடி, கரீனா கபூர் – ரூ.20 கோடி, ஷாஹித் கபூர் – ரூ.14 கோடி.